"Oraindik ere itsasoko kilometro eta ordu asko falta zaigu"

Orio Arraunketa Elkarteko arraunlari Itziar Olasagastik asteburuko estropaden balorazioa egin zuen atzo, Euskadi Irratiko Hiru Erregeen Mahaia irratsaioan. Orioko emakumezkoen taldea "gustura" da larunbatean eta igandean lortutako bi garaipenekin, baina, uste du Eusko Tren ligan aritzen diren traineruen artean aldeak txikiak direla, eta "estropadaz estropada" joan beharko dutela banderak irabazteko.