Ostegunean, abuztuak 29, Kontxako aurtengo estropadak jokatzeko sailkapen jardunaldia izango da. Hala, igande honetan, irailak 1, eta hurrengoan, irailak 8, jokatuko dute Kontxa. KARKARAk bi porra prestatu ditu; emakumeen sailkapenari buruz bat, eta gizonezkoaren sailkapenaren inguruan bestea. Galdera bera dute oinarri biek: zein izango dira Kontxako irabazlea eta aurreneko lau sailkatuak? Zein ordenatan sailkatuko dira?
Zarauzkohitza.eus eta baleike.eus atarietan ere egingo da porra berdina, eta asmatzen duten guztien artean zozkatuko da aurreneko saria; Izeta Sagardotegian bi lagunentzako sagardotegiko menua, eta Spa Malecon zentroko zirkuiturako bi lagunentzako sarrera.
Parte hartzaile guztien artean, berriz, zozkatuko dira hainbat arraun taldetako elastikoak sinatuta, baita Urola Kostako HITZA egunkariko harpidetza bat ere, urtebetekoa. Harpidetzari esker, HITZAKIDE izateak eskaintzen dituen hainbat abantailaz gozatu ahalko du zozketa irabazten duenak.