Gaur arratsaldean Santurtzin jokatu da Santurtziko XL. Ikurriña, eta Orio (19:06,62) nagusitu da, hasieratik ohorezko txandako estropadaren buruan jarrita. Gertutik jarraitu dio uneoro Hondarribiak (19:15,76), pare-parean ibili dira, eta une batean arraunak jotzear ere izan dira; dena dela Bidasoako taldeak ez du lortu Oriori aurre hartzerik, eta hirugarren postuan helmugaratu da azkenean. Bigarren izan da Santurtzi (19:12,66) eta laugarren Zierbena (19:25,20).
Ikusi estropadako denborak eta sailkapena Eusko Label ligako webgunean