Ostegunean eta ostiralean Orio inguruan ibiliko da Itzulia, baita Aian ere. Orion zirkulazioan aldaketak eragingo ditu Euskal Herriko Itzuliak bi egun horietan.
Itzulia, ostegunean, N-634 errepidetik iritsiko da, Donostiatik Oriora. Antxiola kalera joango dira txirrindulariak, handik Kale Nagusira, San Martin ermitara, Txanka bidera, Hondartza kalera, Eusko Gurdarira ondoren, handik Kaia kalera, herriko plazara, Aritzaga kalera eta handik Aita Lertxundira. Zubia pasa ondoren Aiara joango dira txirrindulariak. Aiatik Zumaiara joango dira, eta Zumaiatik, berriz ere, Aiara. Aiatik Oriora etorriko dira, etapa Orion bukatzeko. Txankatik sartuko dira eta helmuga hondartzan izango da.
Txirrindulariek ibilbide hori egin ahal izateko, Itzulia pasa bitartean N-634 errepidea moztu egingo da eta Orioko kale hauetan ezingo da aparkatu apirilaren 7ko goizeko 8:00etatik 17:30tara.
- Antilla kalea
- Hondartza kalea
- Kirol Portuko Aparkalekua
- Eusko Gudari kalea
- Herriko Plaza
- Aritzaga
- Antxiola
Kale horietan aparkatzen dutenek Mendibeltz zelaiaren ondoko aparkalekua erabili ahal izango dute.
Ostiralean ere aldaketak zirkulazioan
Itzuliaren bosgarren etapa, ostiralekoa, plazatik abiatuko da. Hori dela eta, herrira sartzeko edo herritik ateratzeko Txanka-Hondartza errepidea erabili beharko da. Eta ezingo da ondorengo kaleetan aparkatu:- Arrantzale kalea
- Herriko Plaza
- Aritzaga kalea
- Kaia kalea