Marijeren omenezko bertsoa
Irakaskuntzan bizitza
harilkatu duzu trebe,
berrogei urtez gogotsu
inoiz hutsik egin gabe,
Marije oriotarra
arraunzale zara ere,
kolore horia duzu
zure bihotzaren jabe,
abesbatzan diharduzu
oinarri eta zutabe,
bizipoza gorputzean
bizinahia parez-pare,
atal berriko sarreran
benetan gogotsu zaude,
gozatu ibilbidean
bihotzez zurekin gaude.
Doinua: “Habanera”
Egilea: Iñaki Agirresarobe
Zaragueta IPI ikastetxeko langileak