Orioko Zaragueta Eskolako DBHko 1. mailako ikasleek “Kerik gabeko gazteak” saria irabazi dute. Eusko Jaurlaritzaren Osasun Sailak urtero antolatzen du lehiaketa eta tabakoaren prebentzio programaren baitan lantzen da. Aurtengoan, tabakoaren aurkako jarrerak azaltzen dituzten argazkiak aurkeztu behar izan dituzte ikasleek.
Maiatzaren 31n, Tabakoaren aurkako egunean, Zaraguetako ikasleek diploma jaso zuten Donostiako Osasun Zuzendariordetzan. Hurrengo ostegunean sariaz gozatzeko aukera izango dute Txindokiko Itzala zuhaitz parkean.