Euskararen eguna ospatzeko Zaragueta Herri Eskolak hainbat ekitaldi burutuko ditu datozen egunetan. Horien artean, aurreko urteetan bezala, herritarren artean euskarazko liburuen truke azoka indartu nahian jarraituko du irakurzaletasuna eta liburuen berrerabilpena bultzatzeko asmoz.
Ekimenak bi fase izango ditu:
- Liburu bilketa: liburuak jaso eta egoera onean daudela egiaztatu ondoren, truke azokarako txartela emango da –haur , gazte edo helduen literatura–
Azaroaren 23 eta 28an Zaragueta Herri Eskolan 15:45etik 16:30etara
Kultur Etxearen aurrean 17:00etatik 17:45era.
Bete beharreko baldintzak: euskaraz idatziak izatea eta egoera onean eta osorik egotea.
- Liburu trukea: abenduaren 2an, azoka egunean, txartel bakoitza sailkapen bereko edozein libururengatik trukatu ahal izango da.
Zaragueta Herri Eskolan arratsaldeko 15:30etik 16:30etara.
Kultur Etxearen aurrean 17:00tik 17:45era.
Oriotar guztiak gonbidatuta zaudete ekimen eder honetan parte hartzera.