Ezin izan nuen grebarik egin. Etxetik kanpo ezinezkoa egin zitzaidan. Etxe barruan beste horrenbeste, greba gose greba bihurtuko ez bazen. Inbidiaz jota bizi izan nuen eguna.

Gazte aurpegia dudala sinestarazi didate beti. 24 urterekin agiri bidez erakutsi behar izaten nuen 18 nituela. Horrela ez da erraza izaten heldu zarela konturatzea.

Neguaren egun hotzenetan izanagatik ere, goxo gogoratzen dut beltzetik izena besterik ez duena, (H)ilbeltza.

Sinesten dut borroka txikietatik lortuko dugula handiagoak irabaztea. Horregatik, eta pixa  gainean egin nahi ez dudalako, ez ditut aintzat hartuko komunetako ateetan dauden marrazkiak.