Amezti baserriaren berreraikitzeko baimena eman zenean, jakinarazi zitzaigun lizentzia emateko txosten sektorial guztiak zeudela eta aldekoak zirela.
Apirilaren amaieran, lanen garapena ikusitakoan, batzordetan gaiari buruzko informazio eskaerak egin genituen: espedienteari buruzko azalpenak eta txosten juridikoa eskatu genituen. Biak ukatu zitzaizkigun.
Gaia lehertu denean, egon litezkeen balizko irregulartasunak argitzen saiatu ordez, irregulartasun hauen ardura Aiako EHBilduko kideona ere badela esanaz irten dira.
Guk ez dugu gai honekin hauteskunde kanpaina ezta hauteskunde prozesua ere zikindu nahi.
Aurrerantzean ere, orain arte bezala, auzi hau argitzeko lanean jarraituko dugu Aiar guztiok eskubide eta betebehar berberak ditugula ziurtatuz.
EHBildurekin Aiarrok garaile!