Uda sasoian mozten zaie ilea ardiei, eta Jon Ander Azpiroz Aiako alkateak bere sare sozialetan azaldu duenez, Aian 753 ardiren artilea bildu eta birziklatu dute.
Horretarako, herriko artzaiek udalaren eta Landaolaren laguntza izan dute. "Aurreko urteetan bezala, Landaolak, Gipuzkoako Landa Garapenerako Elkarteen Federazioak, artilea jasotzeko zerbitzua eskaini du. Bilketa modu antolatuan egiteko eta bertako baserritarrei lana errazteko asmoz, Aiako Udalak artzainen eskura jarri du garraio zerbitzua", esan du alkateak. Egitasmoan herriko sei artzaik parte hartu dutela zehaztu du.