Entrenatzaile gisa eskarmentu handia daukan Patxi Frances donostiarrak entrenatuko du aurrerantzean Orio Arraunketa Elkarteko emakumezkoen talde nagusia. Arestian iragarri du arraunketa elkarteak Xanti Zabaletak ez duela Txiki trainerua entrenatzen jarraituko, eta handik gutxira jakinarazi du elkarteak entrenatzaile berriaren izena.
Azken denboraldietan Tolosaldea entrenatzen aritu da Frances, eta ETE ligatik Euskotren ligarako jauzia egin ahal izan du Gipuzkoako taldeak. Aurrerantzean, Oriorekin batera ibiliko dira lehian. Tolosaldeaz gain, beste hainbat talde ere entrenatu ditu Francesek: gizonezkoen Zumaia, Zierbena edo Getaria kasu.
