1936ko gerran fusilatu eta desagerrarazitako 200 pertsonaren omenezko ekitaldia egin zuten atzo Hernaniko (Gipuzkoa) hilerrian. Ekitaldi horrekin amaitu zuten, hain justu, 1936ko altxamenduaren 90. urteurrena gogoratzeko antolatutako 90 urte: ahanzturatik memoriara egitaraua. Hernaniko Udalak ekitaldian azpimarratu zuenez, "Francoren errepresioak eragindako zor historikoak oso handia izaten jarraitzen du".
Ekitaldian, besteak beste, gogoan izan zuten Gabino Alustiza garai hartako Aiako alkate. Jon Ander Azpiroz egungo Aiako alkateak ere parte hartu zuen ekitaldian, eta Alustizak zein gainerako biktimek egindako lana nabarmendu zuen, haien herria eta askatasuna defendatzeko egindako ahalegina azpimarratuz. Azpirozek adierazi zuenez, eraildako pertsona guztiak "beren herria eta askatasuna defendatzeagatik" hil zituzten. Gaineratu zuen, halaber, haien oroitzapenak bizirik jarraituko duela gizarteak biktimak gogoratzen dituen bitartean.
(Argazkiak: Jon Ander Azpiroz).