San Donato eta San Lorentzo jaiak ospatzen ari dira Aian, eta gaur Umeen Eguna dute. Horregatik, haientzako prestatutakoak izan dira goizeko lehen ekintzak: taldetan banatuta hainbat joko egin dituzte aurrena, gero gurasoen kontra aritu dira beste zenbait proba egiten, eta azkenik, familien bazkarian parte hartu dute. Arratsaldean, gainera, apar festa izango dute, 16:30ean hasita.
Iluntzeko egitaraua ere egokia izango da etxeko txikienentzat, baina baita gainerako aiarrentzat ere. 19:30ean kalejira egingo dute buruhandi eta trikitilariekin herriko kaleetan zehar, eta 21:30ean kontzertuen txanda iritsiko da: Gozategi, Zopilotes Txirriaos eta Afonica Naranjo izango dira oholtza gainean. Eta eguna amaitzeko, berriz, Indate DJa.
(Argazkiak: Jai batzordea eta Onintza Lete Arrieta)