Aiako Udalak finantza aholkularitza eta plangintza zerbitzua eskainiko die herritarrei ekainean eta uztailean zehar. Zerbitzua, hain justu, astelehenetan jaso ahalko dute interesdunek, 15:00etatik 19:00etara, Kultur Etxean.
Saioetan, besteak beste, aurrezkiaren edota ondarearen kudeaketa efizientea egiten irakatsiko dute, baita zergak optimizatzen, pentsioaren eta herentzien plangintza egiten edota aseguruaren gabeziak detektatzen ere.
Zerbitzua jasotzeko, beharrezkoa da aurretik hitzordua adostea. Horretarako, interesdunek udaletxeko harrerara jo dezakete, baita harrera@aia.eus helbidera idatzi edota 934-13 11 44 zenbakira deitu ere.