Apirileko azken asteburuan, 25ean eta 26an, ospatuko dute aurten Landare Berezien 22. Azoka Aian, Iturraran parketxean, eta 51 mintegik parte hartuko dute bertan. Antolaketa handia eskatzen duen egitasmoa da, besteak beste autobusak jartzen dituztelako herritarren joan-etorria errazteko. Horregatik, aurten ere boluntarioen laguntza eskatu dute antolatzaileek.
Azokan laguntzeko prest dauden herritarrek telefonoz dei dezakete 943-83 53 88 zenbakira, edo mezua bidali iturraran@gipuzkoanatura.eus helbidera.