Bosteko eskuderiak antolatuta, beste urte batez Ubegun industriagunea slalom pista bihurtuko da hilaren 31n. Urtea motor hotsez agurtzea ohitura bihurtu da azken urteetan, eta urteko azken eguneko saioan ere ikuskizun bikainaz gozatzeko aukera izango dute zaleek. 10:00etan hasiko da proba, baina 09:00etan hasiko dira epaileak ibilgailuei egiaztapenak egiten.
Iaz guztira 33 ibilgailuk eman zuten izena proba mitikoan, eta gidari guztien artean, Asier Tejado nagusitu zen, 01:10,021ko denborarekin. Bigarren eta hirugarren postuak azpeitiarrentzat izan ziren, Unai Iparragirre eta Josu Alberdirentzat, hurrenez hurren.
Izena emateko edo informazio gehiago eskuratzeko, interesdunek Euskadiko Automobilismo Federazioaren webgunea bisitatu dezakete.