Ezker Hormako Kluben Arteko Gomazko Paletako Gipuzkoako Txapelketako finalak jokatu dituzte asteburuan, Zestoako Gurutzeaga eta Oiartzungo Madalensoro pilotalekuetan. Finalisten artean izan dira, besteak beste, Aiako Pala Taldeko ordezkariak.
Nagusien bigarren mailako finalean, hain zuzen, Aiako Iban Aldalur eta Garikoitz Zubillaga bikotea Xabier Elejalde eta Mattin Garbisu altzatarren kontra aritu zen, eta aiarrek aise irabazi zieten, izan ere, 11-25 emaitzarekin amaitu zuten jardunaldia.