Aiako Kirol Elkarteak antolatuta, 14 urtetik gorakoentzako Pala Txapelketa Mistoa jokatuko dute datorren hilean. Hain zuzen ere, txapelketa bi kategoriatan banatuko da; 14 urte bitartekoak ariko dira alde batetik, eta 15 urtetik gorakoak bestetik. Abenduaren 15eko astean hasi eta urtarrilaren lehenengo astera arte iraungo dute partidek; finala, urtarrilaren 3an jokatuko dituzte, arratsaldez.
Izen-ematea zabaldu dute dagoeneko, eta interesdunek abenduaren 5era arte izango dute horretarako aukera. Hori horrela, parte hartzeko Aiako Kultur Etxera jo daiteke, baita 943-13 09 24 telefono zenbakira deitu edota aiakoke20@gmail.com helbidera idatzi ere.
Bikoteka nahiz banaka eman ahal izango da izena, baina bikoteko kideren batek Aian erroldatua egon beharko du txapelketan parte hartzeko. Dena dela, antolatzaileek jakinarazi dute, txapelketa egokia antolatzeko helburuarekin, antolatzaileek bikoteak edo kategoriak aldatzeko aukera izango dutela.
Parte hartzaile guztien artean hainbat opari zozkatuko dituzte, baina txapeldunak eta txapeldunordeak zozketatik kanpo geratuko dira, horiek beren sariak izango dituztelako.