Gipuzkoako Pala Txapelketako lehenengo mailara igotzeko itzulerako partida jokatuko dute gaur iluntzean Gari Zubillagak eta Iban Aldalurrek etxean, Aiako pilotalekuan, 20:30ean hasita. Ez da partida erraza izango, joanekoa 25-17 galdu baitzuten Ubeda-Etxebeste bikotearen kontra haien etxean, Loiolan.
Kanporaketa zail jarri zaie, baina oraindik mailaz igotzea lor dezakete Aiako Pala Taldeko kideek.
Bestetik, talde bereko Aranberri-Lizaso bikoteak, 3. mailako final laurdenak irabazi zituen joan den asteburuan 25-13 Aranburu-Arzallusen kontra, eta automatikoki hurrengo urtean 2. mailan lehiatzeko txartela eskuratu dute. Beraz, finalerdietan sartuta, txapelaren borrokan sartuko dira asteburu honetan.