Aiako EAJk plana antolatu du igande honetarako, Pagoeta Egunerako. Gurutzea jarri zela 90 urte bete direla ospatzeko, goiz pasa eta bazkaria antolatu ditu.
Parte hartzera animatzen direnak 10:00etan aterako dira plazatik, eta 11:30ean pintxo batzuk jan eta talde argazkia aterako dute gurutzean. Herrira bueltatutakoan, berriz, poteoa egingo dute, eta ondoren, 14:00etan, bazkaria izango da Euskal Parrillaren eskutik. Haurren menua 12 euro kostako da, eta helduena, berriz, 22 euro.
Bazkarirako izen-ematea zabalik dago, eta apuntatzeko 605 76 71 07 telefono zenbakira deitu beharko da.