Jon Ander Azpiroz Aiako alkateak sare sozialetan jakinarazi duenez, Aiako Udalak bizikletak garbitzeko eta oinarrizko konponketak egiteko azpiegitura jarri du Armendi-Gaineko biribilgunearen ondoan. Herritarren eskaera eta beharrei erantzuteko helburuarekin egin duela azaldu du alkateak.
Era berean, esan du udalak herritarrei gogorarazten diela "denen ardura" dela "gunearen erabilera egokia egitea, materiala zainduz eta eremua garbi eta erremintak jasota utziz".