Andoni Iruretagoiena Izeta VI.ak eskuratu ditu gaur Txomin Amundarainekin jokatutako 5.000 euroak. Izan ere, aizkolari aiarrak 50 minutu eta 11 segundoan moztu ditu 60 ontzako sei enbor eta hamabi kanaerdiko ebaki. Nafarrak, aldiz, 54:49 minutuko denbora behar izan du. Gaur arratsaldean jokatu dute apustua Tolosako (Gipuzkoa) zezen plazan.
Euskadi Irratiari egindako adierazpenetan, Izeta VI.ak esan du "sinestezina" dela 50 minututan lan hori amaitzeko gai izana, eta azpimarratu du "atzetik lan handia egon dela".
Amundarain, berriz, pozik agertu da bere emaitzarekin: "Galdu egin dut, baina nire lana egin dut. Hau bizi beharreko zerbait da".
Aizkolarien lehen apustua izan da gaur arratsaldekoa, eta norgehiagokarako Izetak zortzi kanardiko eman ditu; Amundarainek, aldiz, gainerako kanaerdikoak eta 60 hazbeteko sei enborrak jarri ditu.