Aiako Andatza auzoan bertso afaria egingo dute apirilaren 25ean, 21:00etan, eta jatordura joan nahi dutenek azken egunak dituzte bertan izena emateko. Izan ere, datorren astelehenean, apirilaren 21ean, itxiko dute zerrenda.
Bertsotan Aritz Hernandez Larrume, Andoni Mujika Anatx eta Iban Gorriti Beltza ibiliko dira, eta menua ondorengoa izango da: sarrerakoak, entsalada epela, piper beteak, saiheskia, postrea, kafea eta kopa emango dituzte.
Hori hala, joateko interesa dutenek izena eman dezakete auzo elkartean bertan, baita telefonoz 635 00 92 20 (Iñigo) edo 669 02 99 65 (Josu) zenbakietara deituta ere. Antolatzaileek jakitera eman dute ordainketa egunean bertan egin beharko dela, elkartean (30 euro).