Gozatua hartu zuten atzo Aiako Probalekura gerturatu ziren haurrek nahiz helduek, droneak erabiliz futbolean aritzeko aukera eduki baitzuten. Drone soccer du izena jokoak, eta droneak baloi gisa erabiltzean datza. Horiek uztai txiki batzuetan sartu behar dira gola kontatzeko. Goizean joko librean aritu ziren, eta arratsaldean, berriz, txapelketa egin zuten.
Horrez gain, joko horretan ordenagailuz jokatzeko aukera ere egon zen, baita droneak bertatik bertara ikustekoa ere, nola funtzionatzen duten ezagutu ahal izateko.