Udaberri Gipuzkoako Federazio Txapelketako finalak asteburu honetan jokatuko dituzte, eta aiarrak iritsi dira gomazko paletako bigarren mailako finalera. Bihar 18:00etan hasita, etxean, Aiako pilotalekuan, lehiatuko dira Haimar Aranberri eta Garikoitz Zubillaga Aiako taldekoak Elgoibarko Gurrutxaga-Conderen aurka.
25 bikote aritu dira bigarren mailako txapelketan –lau bikote, berriz, lehenengo mailakoan–, horietatik Aiako pala elkarteko hiru bikote.