Aiako Udalak eta Turismo Bulegoak antolatuta, Olatz Salvadorren Zainak eman azken laneko abestiez gozatzeko aukera izango da bihar gauean. Abeslariak emanaldia eskainiko du Aiako Probalekuan, 22:00etan hasita.
Sarrerak eskuragai daude Musikaze atari digitalean, eta 12 euro balio dute. Bihar bertan ere erosteko aukera izango da Probalekuan, 15 euroan. Informazio gehiago eskuratzeko, 943-13 09 24 zenbakira deitu daiteke.