Ez dut ezer berririk kontatuko argazkietan uneak betikotzen edo hilezkortzen direla esatean. Denbora gelditu eta momentu horretako oroitzapenak ere izozten direla, gure burmuineko gelaxkaren batean bizirik geratzeko.
Bizitzari eusteko modu bat ere badela erantsiko nuke, niretzat bederen. Bizitzeko modu bat ere bai. Ikusteko modu bat.
Nigan efektu hori dute irudiek, geldiarazi egiten naute. Momentuan harrapatu.
Argazki hau atera nuenean bezala, Frantziara bidean nindoala, gaztetxe ondoan kotxea frenarazi zidalako irudiak, goizeko argiak, Aiako mugen erreflexuak Orian, txalupek eta arraun klubak.