Jendetza elkartu da gaur Aiako Probalekuan, Gabonetako azokan. Guztira, askotariko produktuez –bitxiak, arropa, eztia, gazta edota poltsak– osatutako hamasei postu ezarri dituzte, eta Gabonen atarian, aiarrek aise aprobetxatu dute bertan erosketak egiteko aukera.
Artisauen eta sortzaileen lana bakarrik ez, zuzeneko musika ere izan da han. Andoni Ollokiegiren musika emanaldia izan da 18:30etik aurrera, eta gero, DJ Indate arduratu da girotzeaz. Euskal Parrillaren mokadutxoak ere eskaini dituzte.