Abenduaren 22an egingo dute Aian Gabonetako azoka, eta ohi bezala, bertan postua jarri nahi dutenek aurrez izena eman beharko dute. Izena emateko epea zabalik dago, eta azaroaren 4ra arte egongo da aukera.
Postua jarri nahi duenak Aiako udaletxera deitu dezake –943-13 11 44 telefono zenbakira– edo mezua idatzi aia@aia.eus helbide elektronikora.
Aiako Udalak iaz antolatu zuen aurreneko aldiz azoka hori Probalekuan, eta hemezortzi postu jarri zituzten, askotariko produktuekin. Zuzeneko musika eta haur eta gaztetxoentzako tailerrak ere antolatu zituzten, ekintza borobiltzeko. Hemen ikus daiteke orduko albistea, argazki bildumarekin.