Jokabide arazo larriak dituzten nerabeei laguntza intentsiboa emateko egoitza bat dago Aian, Iturriotz-Azpin, eta egoitza horretatik gertu "kutsu faxista eta arrazista" duten pintaketak agertu direla salatu du LAB sindikatuak gaur komunikabideetara bidalitako ohar bidez.
Euskadiko Birgizarteratze Institutuak (EBI) kudeatzen du egoitza, eta bertako LABek bere "kezka" agertu du pintaketen aurrean: "Baliabide horren erabiltzaileen aurka etorkinak kanpora! eta antzeko mezuak dituzten pintaketak egin dituzte. LAB EBItik, gure kezka adierazi nahi dugu. Era guztietako gorroto mezu eta praktiken aurrean, gure erabateko gaitzespena berresten dugu", adierazi du.