2024-2025 erromeri denboraldia bihar hasiko dute Aiako Andatza auzoko Aristerrazu plazan. Jende asko elkartzen du asteroko hitzorduak, eta denboraldiari ekiteko, Izer eta Alabier eta Elizgoien ahizpak trikitilarien doinuak aukeratu dituzte antolatzaileek.
Bihar hasita, igandero eta jaigunetan izango da erromeria Aiako plaza horretan, betiko ordutegian: 18:00etatik 21:00etara.
Denboraldi honetan, gainera, zozketa ere jarri dute martxan antolatzaileek. Izan ere, denboraldi amaieran, trikitixa bat zozkatuko dute txartelak erosten dituztenen artean.