Aiako Pala Taldeko pilotariek asteburu biribila izan dute, izan ere, jardunaldiak jokatu dituzte Gipuzkoako nahiz Irungo Hiria txapelketetan. Gipuzkoako Txapelketan, hirugarren mailan, Esoain-Lizaso bikotea nagusitu da 25-22 emaitzarekin, Aranburu-Mitxelena bikotearen aurka. Bigarren mailan, Aldalur-Zubillaga bikoteak galdu egin zuen Ramos-Luluagaren aurka, 25-15 emaitzarekin. Eta azkenik, Etxeberria-Etxeberria bikoteak lortu zuten garaipena Murua-Izeta Aiako taldearen aurkako lehian, 13-25 emaitzarekin.
Irungo Hiria txapelketan, Errasti-Zubillaga bikoteak lortu zuen garaipena Loidi-Etxeberriaren aurka, 25-19 emaitzarekin. Aldiz, Esoain-Izeta bikoteak ezin izan zuen Berho-Irizar bikotea garaitu, izan ere, 9-25 puntuazioarekin amaitu zuten lehia.