Aiako Udalak ludoteka eta gazteleku zerbitzuak eskainiko dizkie herriko ume eta gaztetxoei astean zenbait orduz, eta zerbitzu horiez baliatu nahi duten familiek zabalik dute izena emateko epea, kultur etxean.
Ludoteka astelehen eta asteazkenetan egongo da zabalik Haur Hezkuntzako umeentzat, 16:30etik 19:00etara, eta bost euro kostako da hileko.
Xatur gaztelekua, berriz, ostiraletan egongo da erabilgarri. LH1, LH2 eta LH3ko haurrek 16:30etik 18:00etara erabiliko dute; LH4, LH5 eta LH6ko gaztetxoek, berriz, 18:00etatik 19:30era.