Aiako Udalak hainbat emanaldi antolatu ditu udazkenera begira, eta horietako bi ikusteko sarrerak gaur jarriko dituzte salgai, 16:00etatik aurrera. Bietako bonua eskuratu daiteke, gainera, 12 euroan, Internet bidez hemen klik eginda, edo kultur etxean bertan.
Aurreneko emanaldia Alurr dantza taldeak eskainiko du, urriaren 19an, larunbatarekin, 20:00etan. Bigarrena, berriz, Esti Markez aiarraren kontzertua izango da, azaroaren 30ean, hori ere larunbatarekin, 22:00etan. Aiako Probalekuan izango dira biak.