Gipuzkoako Txapelketarekin jarraituz, asteburu honetan bigarren jardunaldia jokatuko dute Aiako Pala Taldeko jokalariek.
Bigarren mailako ordezkariek igandean izango dute lehia, 10:00etan, Aiako pilotalekuan bertan; Usurbilgo Pagazpe kirol elkartekoen aurka arituko dira.
Hirugarren mailan, berriz, Aia 1 taldeko jokalariak Errenteriako pilotarien aurka lehiatuko dira, ostiralean, 19:15etan. Larunbatean, Aia 2 taldeko jokalarien txanda izango da; Eibarko pilotarien aurka lehiatuko dira, 09:30ean.