Uretara sartzeko irisgarritasuna hobetzeko asmoz, eskailera berriak jarri ditu igerileku handian Aiako Udalak. Herritarren eskaera bat izan dela zehaztu dute, izan ere, hainbatentzat "bertikalegiak" ziren orain arteko eskailerak. Azken hauek, berriz, "etzanagoak" dira eta uretarako sarbidea errazten dute.
Bestalde, gurpildun aulkientzat aulki automatikoak martxan jarraituko duela zehaztu dute.