Ate joka dira Aiako San Donato eta San Lorentzo festak, eta urteroko zita den herri afarirako txartelak eskuragarri daude dagoeneko. Abuztuaren 6an, asteartearekin, izango da aurtengo herri afaria, eta bertaratu nahi duenak, Iturriozena tabernan, 25 euroan, txartela erosi beharko du. Abuztuaren 4a izango da tiketak erosteko azken eguna, lehenago bukatzen ez badira.
Ondorengoa izango da menua:
- Marmitakoa
- Txuleta
- Postrea
- Edaria, kafea eta kopa
Menu begetarianoa ere eskainiko dute, baina horretarako izena emateko orduan espresuki adierazi egin beharko da.