Pilotako Gipuzkoako Herriarteko Txapelketan, gomazko paletako Herriartekoan ari da parte hartzen Aia. Pasa den asteburuan jokatu ziren final-hamaseirenak, eta Aiak 4-2 irabazi zion Debari.
Lehen kanporaketa hori gaindituta, final zortzirenetan Andoain izango du aurkaria, eta Aian jokatuko dute joanekoa. Kanporaketa horretan hasiko da txapelketa eskualdeko Zarauzko eta Zestoako palistentzat, datorren asteburuan. Zarautzek Zumarraga hartuko du etxean joaneko partidan, eta Zestoak Errenterian ekingo dio lehiari.