Udazkenetik udaberrira, trikiti doinuz betetzen da igande eta jaiegunetan Aiako Andatza auzoko Aristerrazuko plaza, eta hala, gaur, abenduak 8, egingo dute hurrengo saioa. Elustondo anai-arrebak igoko dira oholtza gainera 18:00etatik 21:00etara, eta zabalik izango da taberna ere.
Igandean, hilak 10, Oier Baltzolak eta Unai Andonegik eskainiko dute erromeria saioa, ordu tarte berean.