Espazioan barna bisita gidatua eskainiko du bihar Iturraran parketxeak. Parketxetik adierazi dutenez, Izar malkoa deritzon fenomeno astronomikoa ikusteko aukera izango dute bertaratzen direnek, Jesus Arregi adituaren eskutik. 21:00etan jarri dute hitzordua, eta bertaratu nahi dutenek aurrez izena eman beharko dute.
Horretarako, 943-83 53 89 telefono zenbakira deitu daiteke edo mezu bat idatzi iturraran@gipuzkoanatura.eus helbidera. bisita gidatuaren prezioa zortzi eurokoa izango da helduentzat; haurrek, berriz, sei euroan dute sarrera.