Gaur iluntzean abiatuko dute Pagoeta Fest jaialdia Aiako Zingira kanpinean

Andrea Zipitria

Asteburuan arte eszenikoek hartuko dute Zingira Kanpina. Gaur 20:00etan abiatuko dute Pagoeta Fest jaialdia eta asteburu osoan zehar askotariko jarduerak egingo dituzte bertan.

Pagoeta Fest jaialdia antolatu dute astebururako Aiako Zingira kanpinean, gaurtik igandera bitartean. Artea, zirkua, musika eta umorea uztartuko ditu topaketak, eta horretarako familia osoari zuzendutako askotariko ikuskizunak, kontzertuak, jokoak, ibilaldi eszenikoak eta instalazio artistikoak antolatuko dituzte. Bertan parte hartuko dute Euskal Herriko, Kataluniako, Espainiako eta Frantziako artistek eta konpainiek: Barre Taldea, Jean Philippe Kikolos, Teatro Sobre Ruedas, Maite Guevara, Las XL, Las Polis, Nando Caneca, Domi Circo, Maleta Company eta Cie Balancetoi.

Jaialdiko sarrerak salgai daude Zingirarte.eus atarian.

Gaurko ametsak biharko albiste izan daitezen, beharrezkoa dugu zure babesa.


Egin bazkide