Martxoaren 18an ekintza berezia izango da Iturraran Parketxean. Hain zuzen, Txefo Castell irundarrak kontzertua eskainiko du; tresna harmoniko ezberdinekin kantaldi erlaxagarria izango da. Hainbat tresna erabiliko ditu horretarako, Txefok. Besteak beste, ontzi tibetarrak, monokordea, shruti box eta gongak.
Egun berean bi kontzertu izango dira: bata eguerdian, 12:00etan eta bestea, arratsaldean, 18:00etan. Ordu eta erdiko iraupena izango dute saioek.
Parte hartu nahi duten herritarrek aldez aurretik eman beharko dute izena, 943-83 53 89 telefono zenbakira deituta edo iturraran@gipuzkoanatura.eus helbidera idatzita.