Aiako Odol Emaileen Elkarteak bihar egingo du herrian odol ateraldia, 16:30ean. Otsailean egin zuten lehenengoa, eta bigarrena ekainean; bihar, aldiz, urteko azkenengoa egingo dute, Lardizabal herri eskolan.
Hitzordu bakoitzean 31 odol emate lortu nahi izan dituzte Aian, edo gauza bera litzatekeena, 93 odol emate urte guztian. Izan ere, pandemia tarteko, odol emateetan beherakada nabarmena izan zen 2021ean, eta horri buelta emateko, herriz herri helburu zehatzak jarri zituen urte hasieran Gipuzkoako Odol Emaileen Elkarteak.