Urtea bukatu artean hiru kultur emanaldi izango dira Aiako probalekuan: irailaren 24an, Konpromisoa antzezlana; azaroaren 19an, Esti Markezen kontzertua; eta abenduaren 17an, Belakoren kontzertua. Emanaldi horietarako kultur bonuak gaur arratsaldean jarriko dituzte salgai. Hain zuzen ere, 16:30etik aurrera eskuragai egongo dira Aiako Kultur Etxean.
Hainbat eratako bonuak jarriko dituzte aukeran:
- Hiru emanaldietara sartzekoak 23 euro balioko ditu.
- Konpromisoa antzezlanera eta Esti Markezen kontzertura sartzekoak 14,50 euro balioko ditu.
- Konpromisoa antzezlanera eta Belakoren kontzertura sartzekoak 18,50 euro balioko ditu.
- Esti Markezen eta Belakoren kontzertuetara sartzekoak 20 euro balioko ditu.
