Aiako Mendi Lasterketaren hamargarren edizioa izango da aurtengoa, eta hain justu, igande honetarako jarri dute hitzordua: lasterkariak 10:30etan hasita arituko dira Pagoetan barrena. Oraingoz 113 pertsonak eman dute izena, eta antolatzaileek jakinarazi dutenez, ostirala izango da izen-ematea egiteko azkeneko eguna. 18 euro balio du dortsal bakoitzak.
Lotura honetan eman daiteke izena, eta 400 plazak betetzen ez badira, igandean bertan ere egin ahalko da inskripzioa. Egun horretan, dena den, 25 euroko kostua izango du dortsal bakoitzak.