Aiako Udalak administratzaile-laguntzaile bat kontratatu nahi du urtebeterako, eta horretarako lan-poltsa zabaldu du. Lan poltsan parte hartzeko honako puntuak bete behar dituzte hautagaiek: Batxilergoa edo Bigarren Mailako Lanbide Heziketa eduki behar dute (baliokidea den titulu edo ziurtagiria) edo hori baino altuagoa den titulu baten jabe izan; Aian erroldatuta egon behar dute 2020ko irailaren 1eko data baino lehen, eta euskaraz Europako Erreferentzia Markoaren C1 gaitasun maila egiaztatu behar dute, EGAren parekoa.
Lehiaketa publikoan parte hartzeko eskaera-orria Aiako Udaleko atari digitalean deskargatu daiteke, eta urriaren 9ra arte irekita egongo da eskabidea Aiako udaletxean aurkezteko epea.