Lehengo ostiralean jokatu zuten Aiako XXII. Kintopeko Idi Proben lehen jardunaldia, eta gaur izango da bigarrena, gaueko hamarretatik aurrera. Iñaki Olidenen idien txanda izango da, eta Lopategiren (Bilella) eta Bixkiaken (Errezil) pareak izango dituzte aurkari.
Lehiaketarako erabiltzen ari diren harria Aiako probalekuko 1800 kilokoa da, 200 kiloko gainzamarekin. Gipuzkoako Herri Kirol Federakuntzak izango du probak kontrolatzeko ardura.