Euskadiko Sega Txapelketako kanporaketa jokatuko da igandean Aiako Andatza auzoan, Aristerrazu baserriko zelaian. Bederatzi segalarik parte hartuko dute lehian, bi taldetan banatuta. Lehen saioa 11:30ean izango da, eta bigarrena 12:30ean.
Segalariek 30 minutu izango dituzte ahal duten belar gehien ebakitzeko, eta jardunaldi bakoitzean belar gehien biltzen duten bi segalariak sailkatuko dira finalera.
Finala hilaren 28an izango da Asteasuko Bulano baserriko zelaietan.