Gaur, larunbata, San Pedro eguna da, eta goizean goiz hasi dira ospakizunekin. 08:00etan bota dute txupinazoa, suziriekin eta kanpai hotsekin. 11:30ean izan da meza nagusia, eta jarraian, auzokoen arteko tortilla lehiaketa egin dute.
Eguerdian Joxe Felix Zubizarretak erakustaldia eskaini du motozerrarekin, eta egurrezko hainbat irudi egin ditu. Bitartean, Izer eta Alabier trikitilariek girotu dute auzoa. Gauean, afaria izango da frontoian.