Aristerrazun, urriaren erditik ekainera arte izaten den erromeria denboraldiari amaiera eman zioten atzoko emanaldiarekin. Eneko Dorronsoro eta Andoni Ezkerrak jo zituzten aurtengo azken piezak. Jendetza elkartu zen bertan giro ederrean.
Iganderoko zita uda partean egongo ez bada ere, antolatzaileek adierazi dute urriaren erdialdera hasiko dela berriz ere. Eta parte hartzaile guztiei eskertu nahi izan die iganderoko parte hartzea: "Aiako herriari, antolatzaileei, soinujoleei eta dantzariei, eskerrik asko, igandeko giro ezin hobea jartzeagatik".